Ҳужумчи Жоау Феликснинг "Челси"дан "Ан-Наср"га ўтиши ҳали расман эълон қилинмади. Ваҳоланки, 25 ёшли португалиялик футболчи аллақачон жамоа билан Австриядаги йиғинда шуғулланмоқда.
Ижтимоий тармоқларда тегишли видео пайдо бўлди. "Ан-Наср"да Феликс ўзининг ҳамюрти Криштиану Роналду билан бирлашди. Сўнгги пайтларда жамоани португалиялик мураббий Жорже Жезуш бошқармоқда.
Эслатиб ўтамиз, 2024/2025 йилги мавсумнинг иккинчи қисмида Жоау Феликс "Милан"да ижара асосида ўйнаган эди. "Ан-Наср" Саудия Арабистонининг сўнгги чемпионатида учинчи ўринни эгаллади. Жамоа янги мавсумда яхшироқ ўйин кўрсатишга ҳаракат қилади.
