Hujumchi Joau Feliksning "Chelsi"dan "An-Nasr"ga o‘tishi hali rasman e’lon qilinmadi. Vaholanki, 25 yoshli portugaliyalik futbolchi allaqachon jamoa bilan Avstriyadagi yig‘inda shug‘ullanmoqda.
Ijtimoiy tarmoqlarda tegishli video paydo bo‘ldi. "An-Nasr"da Feliks o‘zining hamyurti Krishtianu Ronaldu bilan birlashdi. So‘nggi paytlarda jamoani portugaliyalik murabbiy Jorje Jezush boshqarmoqda.
Eslatib o‘tamiz, 2024/2025 yilgi mavsumning ikkinchi qismida Joau Feliks "Milan"da ijara asosida o‘ynagan edi. "An-Nasr" Saudiya Arabistonining so‘nggi chempionatida uchinchi o‘rinni egalladi. Jamoa yangi mavsumda yaxshiroq o‘yin ko‘rsatishga harakat qiladi.
