"Бавария"нинг 2024/25 йилги мавсумдаги энг яхши футболчиси деб Майкл Олисе топилди.
23 ёшли франциялик футболчи мухлислар овози бўйича барча овозларнинг деярли ярмини қўлга киритди – 44,8 фоиз, клуб афсонаси Томас Мюллер (18,7 фоиз) ва жамоа тўпурари Гарри Кейн (9,4 фоиз)дан ўзиб кетди.
Олисе Мюнхен клубига 2024 йилнинг ёзида "Кристал Пэлас"дан келиб қўшилган ва дебют мавсумини ажойиб ўтказган: 55 ўйинда 20 гол ва 23 голли узатма.
Шунингдек, у мавсум давомида уч марта "Бавария"нинг ойнинг энг яхши футболчиси деб топилган.













