"Челси" "Аякс" ҳимоячиси Йоррел Хатонинг трансфери устида ишлашда давом этмоқда.
De Telegraaf нашри потенциал трансфернинг янги тафсилотларини ошкор қилди. Шу тариқа лондонликлар футболчининг нархини билиб олишди. "Аякс" раҳбарлари футболчи учун 50 миллион евро олмоқчи.
Хатонинг меҳнат шартномаси 2028 йилнинг ёзига қадар амал қилади. Transfermarkt маълумотларига кўра, ҳимоячининг тахминий баҳоси 35 миллион еврони ташкил қилади. Ҳимоячи "Аякс" академияси битирувчиси.
Умуман олганда, Йоррел Хато Амстердам клубида 111 ўйин ўтказган. Уларда нидерландиялик футболчи тўртта гол урди. Футболчида 9 та голли узатма ҳам бор. Нидерландиялик футболчи ҳимоянинг чап қанотида ҳам, ҳимоя марказида ҳам ўйнай олади.
