Яқиндагина Ўзбекистон терма жамоаси марказий ҳимоячиси Рустам Ашурматов Қозоннинг "Рубин" клубидан Теҳроннинг "Истиқлол" жамоасига ўтган эди. Футболчимиз янги жамоасидаги илк назорат ўйинидаёқ жароҳат олди.
Ашурматов тахминан 10 кунлик даволанишдан сўнг яна текширувдан ўтди ва унинг тиззасидаги жароҳат аввал ўйланганидан ҳам жиддийроқ экани маълум бўлди. Энди унинг тўлиқ соғайиши камида 6 ҳафтадан кўпроқ вақт талаб қилади.
"Истиқлол" шифокорлари бир нечта тизза бўйича мутахассислар билан маслаҳатлашишди. Ҳалигача тўсувчи боғламнинг узилиши аниқ тасдиқланмаган бўлса-да, ички боғламнинг шикастланиши футболчини 3–4 ойгача майдондан узоқлаштириши мумкин.
