Симеонелар оиласи аллақачон Мадриднинг "Атлетико" клуби билан қайтарилмас наслий алоқага эга, клубнинг ҳозирги мураббийи Диего Симеоне 90 йилларда унинг таркибида ўйнашга ҳам улгурган. Ҳозирда у бошқалар қатори ўғли Жулианога ҳам мураббийлик қилмоқда. У эса Мадрид клуби билан юқори чўққиларни забт этишни орзу қилади.
"Клуб совринларни соғинди. Уларни мураббий хоҳлайди, президент хоҳлайди. Биз ҳаммамиз муваффақиятга интиламиз. Шахсан менга рақиб дарвозаси олдида бироз аниқлик етишмаяпти, бунинг устида ишлаяпман. Аргентина терма жамоаси сафида жаҳон чемпионатида ўйнашни орзу қиламан. Яна бир орзу - Чемпионлар Лигасида ғалаба қозониш," - дея Жулиано Симеоненинг сўзларини келтиради derbyderbyderby.com.
