Каталониянинг "Барселона" клуби польшалик дарвозабони Войцех Шесни "Барса"нинг ҳозирги устози Ханс Фликнинг ўта ҳужумкор услуби ўзига унчалик ҳам маъқул эмаслигини билдирди.
"Бу менинг севимли футбол услубим эмас. "Барселона"нинг ўйини мухлислар учун жуда томошабоп, улар бундай ўйинни жуда яхши кўришади. Аммо бу менинг футболим эмас ва ҳатто клубнинг муваффақиятлари ҳам менинг нуқтаи назаримни ўзгартирмайди," - дея Шеснидан иқтибос келтиради Foot Truck.
Испания чемпионатининг янги мавсумини "Барселона" амалдаги мамлакат чемпиони мақомида бошлайди. Клуб илк ўйинини 16 август куни "Мальорка"га қарши ўтказади.
