"Марсель" Роттердамнинг "Фейеноорд" клубидан 25 ёшли вингер Игор Пайшаони трансфер қилишга келишиб олди.
Бу ҳақда L’Equipe хабар берди. Трансфер бонуслар билан бирга 35 миллион еврога баҳоланмоқда. Битим яқин кунларда якунланиши кутилмоқда.
Пайшао ўтган мавсумни ёрқин ўтказиб, Нидерландия клубининг етакчиларидан бирига айланди. Унинг ҳисобида барча мусобақаларда 47 та ўйинда 18 та гол ва 19 та голли узатма бор. Барқарор ўйинлари туфайли у Франция, Германия ва Англия клубларининг эътиборини тортди, аммо айнан "Марсель" унинг трансфери бўйича келиша олди.
