Давид Алаба ва Антонио Рюдигер келаси ёзда "Реал"ни тарк этиши мумкин.

Аввалроқ, "Реал" Алаба билан шартномани бекор қилиш бўйича келишувга эришишга урингани, бироқ ҳимоячида таклиф бўлмагани ҳақида хабарлар тарқалган эди. Австриялик футболчи бир йилдан сўнг тугайдиган шартномаси якунига қадар "Реал"да қолиши аниқ, деб ёзади AS.

Антонио Рюдигер билан 2026 йилнинг ёзида тугайдиган шартномани узайтириш ҳозирча даргумон, чунки "Реал" Дин Хёйсен ва Рауль Асенсиога ишонмоқчи, шунингдек, Эдер Милитаонинг тикланишига умид қилмоқда. Клубда германиялик ҳимоячининг профессионаллигини қадрлашади, аммо унинг келажаги мавсум охирида футболчининг жисмоний ҳолатига қараб ҳал қилинади. Эслатиб ўтамиз, апрель ойида Рюдигер мениск жароҳати туфайли операция қилинган эди - тиззасидаги муаммолар немисни бир неча ой давомида безовта қилган.

Қайд этилишича, "Реал" Ибраима Конатенинг "Ливерпуль" билан шартномаси тугаганидан кейин келаси ёзда уни текинга қўлга киритишга умид қилмоқда. Шунингдек, клуб "Арсенал" футболчиси Вильям Салибани кузатиб бормоқда.