"Навбаҳор" ёзги трансфер ойнасидан самарали фойдаланган ҳолда, ўз таркибини маҳоратли футболчилар билан тўлдиришни мақсад қилган эди.
Шундай ўйинчилардан бири, сўнги уч мавсум (2022-2023-2024)да наманганликлар сафида ўтказиб, ўзининг ёрқин ўйинлари билан мухлислар ёқимтойига айланган ярим ҳимоячи Жамшид Болтабоев жамоа билан шартнома имзолади. Футболчи 1996 йил, 3 октябрь куни Тошкент шаҳрида туғилган.
Фаолияти давомида "Пахтакор", "Сўғдиёна", "Навбаҳор", "Нефтчи" жамоалари шарафини ҳимоя қилган. Жорий йилнинг биринчи даврасида Фарғонанинг "Нефтчи" жамоаси сафида ўйнаб, давралар оралиғида қадрдон бўлган жамоасига қайтди.
"Биз Жамшидбекка жамоамизда омад ёр бўлиб, “лочинлар”нинг ғалабаларига муносиб ҳиссасини қўшишига тилакдошмиз. Хуш келибсан, Жамшидбек!" - дейилади "лочинлар"нинг расмий баёнотида.
