"ПСЖ" дарвозабони Жанлуижи Доннарумма тез орада сотиб юборилиши мумкин.

Италияликнинг Париж гранди билан келишуви келаси йилнинг ёзида якунига етади ва томонларнинг янги битим бўйича келишиб олишга уринишлари натижа бермади. Энди "ПСЖ" 26 ёшли дарвозабон билан хайрлашишга тайёр - унинг ўрнини "Лилль"дан Люка Шевалье эгаллайди. Corriere dello Sport нашри тарқатган хабарга кўра эса Доннарумма учун баҳсда "Манчестер Юнайтед" фаворитга айланган. Яқинда "қизил иблислар" вакиллари футболчининг атрофидагилар билан музокара ўтказди.

Жанлуижи Доннарумманинг Transfermarkt бўйича нархи 40 млн еврога баҳоланмоқда.