Бизнинг вақт билан пайшанба тонгида "Интер Майами" Лига кубоги доирасида Мексиканинг "Атлас" жамоасига қарши майдонга тушади. Майами жамоаси бош мураббийи Хавьер Маскерано Лионель Месси ва Жорди Альба майдонга тушишга тайёрми, деган саволга жавоб берди.
"Ҳа, агар улар яна дисквалификация қилинмаса", - ҳазил билан гап бошлади Маскерано. "Месси кетма-кет кўп ўйинлардан кейин дам олишига тўғри келди. Танаффус унга фойда келтирди. Энди у янги ўйинлар марафонини бошлайди ва умид қиламанки, бироз тетикроқ бўлади," - деди мутахассис журналистларга.
Аввалроқ Месси ва Альба юлдузлар ўйинида иштирок этмагани учун дисквалификация туфайли МЛС ўйинини ўтказиб юборганди.
