"Ньюкасл" ва "Саутгемптон" дарвозабон Аарон Ремсдейл бўйича келишув шартларини келишиб олди.
Клублар инглиз футболчисини кейинчалик сотиб олиш имконияти билан жорий мавсум охиригача пуллик ижараси бўйича келишиб олди, деб хабар беради таниқли инсайдер Дэвид Орнштейн.
Аарон Рэмсдейл ўтган мавсумда "Саутгемптон" сафида Премьер-лигада 30 та ўйинда майдонга тушиб, жами 66 та гол ўтказиб юборган. "Авлиёлар" турнир жадвалида сўнгги поғонани банд этиб, Чемпионшипга равона бўлди.
27 ёшли дарвозабоннинг Transfermarkt порталидаги нархи - 16 млн евро. "Саутгемптон"га ўтишдан олдин у уч йил давомида Лондоннинг "Арсенал" клубида ўйнаган.
