"Жирона" "Манчестер Сити"да тўп тепаётган ярим ҳимоячи Клаудио Эчеверри ва ҳимоячи Витор Рейсни ижарага олмоқчи.
Ҳар икки футболчига Хосеп Гвардиола жамоасида мунтазам ўйин амалиёти кафолатланмаган, шу боис "шаҳарликлар" уларни ижарага юбориши мумкин. City Xtra хабарига кўра, Каталония клуби аллақачон 19 ёшли аргентиналик ва бразилиялик футболчи трансфери устида иш олиб бормоқда.
Transfermarkt талқинига кўра, Эчеверрининг нархи 18 млн еврони ташкил этади ва унинг шартномаси 2028 йилгача мўлжалланган. Футболчига Италиянинг "Рома" клуби ҳам даъвогарлик қилмоқда.
Рейснинг ўша сайтдаги нархи - 30 млн евро. Унинг инглиз гранди билан меҳнат шартномаси 2029 йилгача амал қилади.
