Яқинда "Лион"дан Мадриднинг "Атлетико" клубига кўчиб ўтган аргентиналик ярим ҳимоячи Тьяго Альмада ушбу трансфер борасида ўз фикрларини билдириб ўтди.
"Бу ерда ўйнаш менинг орзум эди. Мен "Атлетико"ни танладим, чунки бу клубни ва унинг тарихини яхши кўраман. Мен доим унинг ўйинларини томоша қилардим. Менга бу ерга келиш учун имкониятим борлигини айтишганида, шубҳа қилмадим. Энди нима учун бу ерда эканлигимни кўрсатишим керак," - дея футболчининг сўзларини келтиради Marca.
Шунингдек, Альмада ярим ҳимоядаги асосий позицияси чап қанот бўлса-да, агар ҳужумкор ҳаракатлар ҳақида гап кетса, исталган жойда ўйнашга тайёрлигини таъкидлади.
"Мен учун энг муҳими - ўйнаш," - дея таъкидлади Альмада.
Жаҳон чемпиони ҳисобланган 24 ёшли аргентиналик футболчи мадридликларга 21 миллион еврога тушган.
