"Ливерпуль"га эгалик қилувчи компания Испания чемпионати клубларидан бирини сотиб олишни режалаштирмоқда. Бу ҳақда The Athletic хабар бермоқда.
Манбага кўра, Американинг спортга сармоя киритиш билан шуғулланувчи Fenway Sports Group компанияси Испаниянинг "Хетафе" клубини сотиб олишга қарор қилган. Раҳбариятни клуб Ла Лиганинг барқарор иштирокчиси эканлиги ўзига жалб қилади, шунинг учун у кўп клубли моделни ривожлантириш учун жуда мос келади. "Хетафе" раҳбари Анхель Торрес клубни 100 млн фунтга сотишга рози бўлди. Музокаралар бошланган.
Fenway Sports Group, шунингдек, машҳур "Бостон Ред Сокс" бейсбол жамоаси ва "Питтсбург Пингвинс" хоккей клубига эгалик қилади.
Ла Лиганинг ўтган мавсумини "Хетафе" 42 очко билан 13-поғонада якунлади.
