Англиянинг "Вест Хэм" клуби Мексиканинг "Монтеррей" жамоаси ярим ҳимоячиси Нельсон Деоссани сотиб олишда муваффақиятсизликка учраши мумкин. Бу ҳақда Super Deportivo нашри хабар берди.
"Болғачилар" футболчи учун 11 миллион евродан сал кўпроқ таклиф қилишди, аммо бу етарли бўлмаслиги мумкин, чунки футболчи учун курашга Испаниянинг "Бетис" клуби қўшилди. Мазкур жамоа вакиллари футболчи учун асосий сумма сифатида 12,1 миллион евро, шунингдек, 1,6 миллион еврони бонус сифатида беришга тайёр.
Майдон марказида ҳаракат қилаётган 25 ёшли Деосса ўтган мавсумни "Монтеррей" ва "Пачука" клубларида ўтказди. Унинг ҳисобида 48 та ўйин, 10 та гол ва 3 та ассист мавжуд.
