"Милан"нинг юлдуз ҳужумчиси Кристиан Пулишич Рафаэль Леау ҳақида гапирди.

"У мавсум олдидан ажойиб ўйинлар ўтказмоқда. Нега баъзилар унинг салоҳиятига шубҳа қилишда давом этаётганини тушунмаяпман. Мен унинг майдонда нимага қодирлигини кўрдим. У энг юқори даражадаги иқтидорли ўйинчи эканлигини ҳаммамиз биламиз. У ўз ўйинларида барқарорликни топиши керак, кейин эса у жамоа учун тобора муҳим ўйинчига айланади", деди Пулишич.

Эслатиб ўтамиз, ўтган мавсумда Рафаэль Леау "Милан" сафида барча турнирларда 50 та ўйинда майдонга тушиб, 12 та гол урди ва 13 та голли узатмани амалга оширди.