Ҳимоячи Александр Зинченко ёзги трансфер ойнасида "Арсенал"ни тарк этиши мумкин. Give Me Sport хабарига кўра, 28 ёшли Зинченкога "Фулхэм" қизиқиш билдирмоқда. Лондонликлар аллақачон украиналикнинг атрофидагилар билан алоқага чиққан ва "тўпчилар"га таклиф юбориш имкониятини кўриб чиқмоқда.
Манбанинг таъкидлашича, "Арсенал" Зинченкони тахминан 15 миллион фунт (17,4 миллион евро) га баҳоламоқда.
Айтиш керакки, Александр Зинченко Рикардо Калафьори трансфери ва Майлс Льюис-Скелли ривожланишидан сўнг "Арсенал"да кам ўйин амалиётига эга бўла бошлади. Зинченко "канонирлар" сафида жами 91 та ўйинда майдонга тушиб, 3 та гол урган ва 5 та голли узатмани амалга оширган.
