"ПСЖ" марказий ҳимоячи Илья Забарнийни сотиб олиш мақсадида "Борнмут" билан музокараларни давом эттирмоқда. Шу фонда 22 ёшли украиналикни "Тоттенхэм" илиб кетишга тайёр.
RMC Sport хабарига кўра, "Тоттенхэм" Забарний учун "Борнмут"нинг 70 миллион евролик талабини қондиришга тайёр. "ПСЖ" ҳозирча камроқ таклиф қилмоқда.
Илья Забарнийнинг ўзи Лондонга эмас, Парижга кўчиб ўтишни афзал кўради. Украина терма жамоаси футболчиси ҳатто "ПСЖ" билан 5 йиллик меҳнат шартномаси шартларини келишиб олган.
Эслатиб ўтамиз, Забарний Англия Премьер-лигасида "Борнмут" сафида 78 та ўйинда майдонга тушиб, битта гол урган.
