"Ал-Дуҳаил" ярим ҳимоячиси Марко Верратти Неймар, Леандро Паредес ва Анхел Ди Мария билан кечки овқат пайтида Лионель Мессини "ПСЖ"га ўтишга кўндирмоқчи бўлганини эслади.

"Бу сеҳрли оқшом бўлди. Биз бирга йиғилдик: мен, Лео, Паредес, Неймар ва Ди Мария. Биз ажойиб вақт ўтказдик ва ҳазил тариқасида Мессини Парижга кўчиб ўтишга кўндира бошладик. Эртаси куни эрталаб унинг "Барселона" билан муаммолари борлиги ҳақидаги хабарни ўқиб чиқдим, кейин Неймар менга қўнғироқ қилиб: "Лео "ПСЖ"га келади" деди", - деди Верратти La Gazzetta dello Sport билан суҳбатда.

Эслатиб ўтамиз, Месси 2021 йилдан 2023 йилгача Париж клубида ўйнаган. Аргентиналик футболчи ҳозирда Майамининг "Интер" клубида ўйнамоқда. Верратти "ПСЖ"да 11 йилни ўтказди, италиялик футболчи 2012 йилдан 2023 йилгача парижликлар сафида ўйнаган.