Мадриднинг "Реал" клуби марказий ҳимоячиси Диего Агуадо ёзда жамоани тарк этмайди.

18 ёшли футболчига Дортмунднинг "Боруссия" ва Европанинг бошқа клублари қизиқиш билдираётган эди. Marca нашри тарқатган хабарга кўра "қаймоқранглилар" истиқболли испанияликни жорий трансферлар даврида қўйиб юборишмайди. Бош мураббий Хаби Алонсо ёш марказий ҳимоячининг ўсишини диққат билан кузатиб бормоқда ва келгуси мавсумда унга асосий жамоада ўзини кўрсатиш имкониятини бериши мумкин.

Ҳозирча Диего Агуадонинг Мадрид гранди сафида бор-йўғи битта ўйини бор. Футболчининг амалдаги меҳнат шартномаси 2029 йилнинг ярмигача мўлжалланган бўлиб, унинг қиймати Transfermarkt портали томонидан 1 млн еврога баҳоланмоқда.