"Аякс" ҳимоячиси Йоррел Хато фаолиятини "Челси"да давом эттиради, дея хабар берди Х ижтимоий тармоғида Фабрицио Романо.
Манбага кўра, Лондон клуби 19 ёшли нидерландиялик футболчи учун тахминан 40 миллион евро тўлайди. Тез орада футболчи тиббий кўрикдан ўтади ва шундан сўнг у билан узоқ муддатли шартнома имзоланади.
Transfermarkt портали футболчининг нархини 35 миллион еврога баҳоламоқда.
2024/25 йилги мавсумда Ҳато барча мусобақаларда 50 та ўйинда майдонга тушиб, 3 та гол урди ва 6 та голли узатмани амалга оширди.
