"Ayaks" himoyachisi Yorrel Xato faoliyatini "Chelsi"da davom ettiradi, deya xabar berdi X ijtimoiy tarmog‘ida Fabrisio Romano.

Manbaga ko‘ra, London klubi 19 yoshli niderlandiyalik futbolchi uchun taxminan 40 million yevro to‘laydi. Tez orada futbolchi tibbiy ko‘rikdan o‘tadi va shundan so‘ng u bilan uzoq muddatli shartnoma imzolanadi.

Transfermarkt portali futbolchining narxini 35 million yevroga baholamoqda.

2024/25 yilgi mavsumda Hato barcha musobaqalarda 50 ta o‘yinda maydonga tushib, 3 ta gol urdi va 6 ta golli uzatmani amalga oshirdi.