"Интер Майами" ҳужумчиси Лионель Месси Лигалар кубоги доирасида Мексиканинг "Атлас" клубига (2:1) қарши ўйиндан кейин ўз ҳолати ҳақида гапирди.
Аргентиналик юлдуз учрашув қаҳрамонларидан бирига айланди ва иккита голли узатмани амалга оширди.
"Жуда оғир бўлди. Бундай иссиқда ўйнаш қийин ва ўтган ўйинни ўтказиб юборганим умуман ёрдам бермади - аксинча. Мен доимий равишда ўйнашим керак - шунда мен энг яхши жисмоний ҳолатда эканлигимни ҳис қиламан, ритмга кираман. Бугун, айниқса, биринчи бўлимда муаммоларга дуч келдим, чунки ўтган ўйинда менга ўйнашга рухсат беришмади. Аммо энг муҳими - биз ғалаба қозондик," - дейди интервьюда 38 ёшли футболчи.
