"ПСЖ"нинг собиқ ярим ҳимоячиси, ҳозирда Қатарнинг "Ал-Дуҳаил" клубида тўп тепаётган Марко Верратти Мадриднинг "Реал" клуби форварди Килиан Мбаппе ҳақидаги фикрлари билан ўртоқлашди.
Италиялик француз билан "Пари Сен-Жермен"да бирга ўйнаган.
"Килиан муваффақиятга интилади, у ҳар доим ғалаба учун курашади. Ишончим комилки, у эртами-кечми "Олтин тўп"ни қўлга киритади," - деди Верратти La Gazzetta dello Sport нашрига берган интервьюсида.
Мбаппе ўтган йилнинг ёзида "ПСЖ"дан "Реал"га эркин агент сифатида ўтганди. "Қаймоқранглилар" сафидаги дебют мавсумида ҳужумчи 59 та ўйинда 44 та гол ва бешта голли узатмани амалга оширди.
