"Милан" ҳамон "Ювентус" ҳужумчиси Душан Влаховични ўз сафига қўшиб олиш ниятида.
"Россонерилар" вакиллари бир неча ҳафтадан буён сербиялик футболчини ўз сафига қўшиб олиш устида ишламоқда ва унинг агентлари билан доимий алоқада бўлиб турибди. Футболчининг А Серия мезонлари бўйича улкан маоши туфайли келишувни бекор қилиш осон бўлмайди, аммо журналист Маттео Мореттонинг ёзишича, "Милан" ҳеч қаерга шошилмаяпти ва музокаралар муваффақиятли якунланишига ишонмоқда.
"Кекса синьора" ёзда Душан Влахович билан хайрлашишни режалаштирмоқда, чунки ҳужумчининг амалдаги шартномаси келаси йили тугайди ва янги шартнома шартларини келишиб олишнинг имкони бўлмади.
25 ёшли футболчи "Ювентус"да бирга ишлаган мураббийи Массимилиано Аллегри билан "Милан"да учрашиши мумкин.
