HLN хабарига кўра, "Марсель" "Брюгге" ҳимоячиси Жоэл Ордоньесга қизиқиш билдирган. 21 ёшли эквадорлик футболчи борасида "кўк-қоралар" билан музокаралар ҳозирдан бошлаб юборилган.
Маълумки, "Брюгге" ўз юлдузи учун юқори нарх белгилаган. Мавжуд маълумотларга кўра, клуб футболчини 30 миллион евродан камига қўйиб юбормайди. "Марсель" бундай суммани тўлашга тайёрми ёки йўқлиги ҳозирча номаълум.
Ўтган мавсумда Ордоньес "Брюгге" сафида барча турнирлар доирасида 49 та ўйин ўтказиб, 3 та гол урди ва битта голли узатмани амалга оширди.
