HLN xabariga ko‘ra, "Marsel" "Bryugge" himoyachisi Joel Ordonyesga qiziqish bildirgan. 21 yoshli ekvadorlik futbolchi borasida "ko‘k-qoralar" bilan muzokaralar hozirdan boshlab yuborilgan.

Ma’lumki, "Bryugge" o‘z yulduzi uchun yuqori narx belgilagan. Mavjud ma’lumotlarga ko‘ra, klub futbolchini 30 million yevrodan kamiga qo‘yib yubormaydi. "Marsel" bunday summani to‘lashga tayyormi yoki yo‘qligi hozircha noma’lum.

O‘tgan mavsumda Ordonyes "Bryugge" safida barcha turnirlar doirasida 49 ta o‘yin o‘tkazib, 3 ta gol urdi va bitta golli uzatmani amalga oshirdi.