Артем Довбик "Милан"га ўтиши мумкин.
Журналист Маттео Мореттонинг ёзишича, “Рома” ҳужумчисининг хизматлари “россонери”ларга агентлар орқали таклиф қилинган.
Украиналикнинг "Милан"га ўтиши август ойидаги трансфер бозоридаги вазиятга боғлиқ бўлиши мумкин.
“Рома” агар фойдали таклиф тушса, Довбик билан хайрлашишга тайёр экани аввалроқ хабар қилинганди. Форвард тахминан 40 миллион еврога баҳоланмоқда.
Ўтган мавсумда Довбик А Серияда 32 та ўйин ўтказиб, 12 та гол уриб, "Рома"нинг энг яхши тўпурари бўлди.
