Италиянинг амалдаги чемпиони "Наполи" Дортмунднинг "Боруссия" клуби ҳужумчиси Карим Адейемига қизиқиш билдирди.
TUTTOmercatoWEB хабарига кўра, Антонио Конте жамоаси ҳали ҳам футболчи билан шартнома имзоламоқчи ва клуб президенти Аурелио Де Лаурентис бу масалада мураббийни тўлиқ қўллаб-қувватлайди.
Немис футболчиси ҳозирда "Боруссия"даги ҳолатидан мамнун. Бироқ, “Наполи” футболчи атрофидаги вазиятни яхшироқ тушуниш учун дастлабки алоқага чиққан ва ҳозирда 40 миллион евролик таклиф устида ишламоқда. Неаполликлар бундай сумма "Боруссия"ни футболчини қўйиб юборишга кўндира олишига умид қилишмоқда.
Қўшимча қиламизки, 2024/25 йилги мавсумда Адейеми "Боруссия" сафида барча турнирларда 41 та ўйин ўтказиб, 12 та гол урди ва 11 та голли узатмани амалга оширди.
