Italiyaning amaldagi chempioni "Napoli" Dortmundning "Borussiya" klubi hujumchisi Karim Adeyemiga qiziqish bildirdi.
TUTTOmercatoWEB xabariga ko‘ra, Antonio Konte jamoasi hali ham futbolchi bilan shartnoma imzolamoqchi va klub prezidenti Aurelio De Laurentis bu masalada murabbiyni to‘liq qo‘llab-quvvatlaydi.
Nemis futbolchisi hozirda "Borussiya"dagi holatidan mamnun. Biroq, “Napoli” futbolchi atrofidagi vaziyatni yaxshiroq tushunish uchun dastlabki aloqaga chiqqan va hozirda 40 million yevrolik taklif ustida ishlamoqda. Neapolliklar bunday summa "Borussiya"ni futbolchini qo‘yib yuborishga ko‘ndira olishiga umid qilishmoqda.
Qo‘shimcha qilamizki, 2024/25 yilgi mavsumda Adeyemi "Borussiya" safida barcha turnirlarda 41 ta o‘yin o‘tkazib, 12 ta gol urdi va 11 ta golli uzatmani amalga oshirdi.
