"Штутгарт" ҳужумчиси Нико Вольтемаде машғулотларни ёмон кайфиятда ўтказмоқда. Футболчи ўзини профессионал тутмоқда ва мавсумолди ишларга жиддий ёндашмоқда, бироқ у клубни тарк этишни истамоқда. "Штутгарт" раҳбарияти 23 ёшли футболчининг тез орада "Бавария"га ўтиш истагидан хабардор. Бу ҳақда Bild ўз саҳифаларида маълум қилди.
Аввалроқ матбуотда 23 ёшли Вольтемаде бўйича "Бавария" ва "Штутгарт" ўртасидаги музокаралар жараёни оғир кечаётгани ҳақида хабарлар тарқалган эди. "Шваблар" Никни жамоада олиб қолмоқчи. Нуфузли "Transfermarkt" портали ҳужумчини 30 миллион еврога баҳоламоқда.
