"Брентфорд" Лига 1нинг энг яхши ҳужумчиларидан бири трансфери учун "Вильярреал" билан рақобатлашади.
Инсайдер Фабрицио Романонинг маълум қилишича, ҳар икки клуб вакиллари аллақачон "Ренн" билан боғланиб, 23 ёшли форвард Арно Калимуэндонинг эҳтимолий трансфери бўйича музокара ўтказган.
Қайд этилишича, ёзда Калимуэндо жамоасини ўзгартириш учун жиддий имкониятга эга, шу боис "Брентфорд" ва "Вильярреал" истеъдодли футболчи атрофидаги вазиятни кузатиб, эҳтимолий битим шартларини билиб олишмоқда.
Ўтган мавсумда Арно Калимуэндо Франция чемпионатида "Ренн" сафида 33 та ўйинда 17 та гол уриб, Лига 1 тўпурарлари орасида учинчи ўринни эгаллади.
