"Brentford" Liga 1ning eng yaxshi hujumchilaridan biri transferi uchun "Vilyarreal" bilan raqobatlashadi.
Insayder Fabrisio Romanoning ma’lum qilishicha, har ikki klub vakillari allaqachon "Renn" bilan bog‘lanib, 23 yoshli forvard Arno Kalimuendoning ehtimoliy transferi bo‘yicha muzokara o‘tkazgan.
Qayd etilishicha, yozda Kalimuendo jamoasini o‘zgartirish uchun jiddiy imkoniyatga ega, shu bois "Brentford" va "Vilyarreal" iste’dodli futbolchi atrofidagi vaziyatni kuzatib, ehtimoliy bitim shartlarini bilib olishmoqda.
O‘tgan mavsumda Arno Kalimuendo Fransiya chempionatida "Renn" safida 33 ta o‘yinda 17 ta gol urib, Liga 1 to‘purarlari orasida uchinchi o‘rinni egalladi.













