Яқиндагина Франциянинг "Лилль" клуби сотиб олишга даъвогарлик қилган нидерландиялик дарвозабон Робин Руфс Англиянинг "Сандерленд" клуби футболчисига айланди. Бу ҳақда клуб расмий сайти хабар бермоқда.

22 ёшли футболчи 4 йиллик шартнома имзолади. Аниқлик киритилишича, футболчи ҳали Англияда ишлаш учун рухсатнома олмаган. Transfermarkt маълумотларига кўра, келишув суммаси 10,5 миллион еврони ташкил этган.

Руфс Нидерландия терма жамоасида ёшлар ва турли ёшлар даражасида ўйнаш бўйича катта тажрибага эга.

У ўтган мавсумда "НЕК Неймеген" сафида 33 та ўйинда майдонга тушди ва 45 та гол ўтказиб юборди.