"Ливерпуль" ҳужумчиси Муҳаммад Салоҳ Мерсисайд клубидан "Бавария"га ўтган колумбиялик вингер Луис Диасга юзланди.

"Майдондаги ғайратингиз, шиддатингиз ва иштиёқингиз унутилмас из қолдирди. Сени "Ливерпул"да кўриш бахтига муяссар бўлдик ва муваффақият тарихингнинг бир қисмини сен билан баҳам кўриш биз учун шараф бўлди. Сен нафақат ишончли жамоадош, балки ҳақиқий илҳомлантирувчи ҳам эдинг. Сен мен учун энг яхши дўст эдинг. Бошдан кечирганларингни ҳаммамиз биламиз, бу ҳар қандай одамни синдирган бўларди, лекин сен кучли бўлиб қайтдинг ва клуб учун бор нарсангни бердинг.

Бундай матонат бошқаларга ўрнак бўлади ва фақат ҳурматга сазовор бўлади. Сенга келажакда энг яхши тилакларни тилайман, Лучо", - деб ёзди Салоҳ Х ижтимоий тармоғида.