"Милан" жамоанинг асосий футболчиси билан янги шартнома бўйича музокараларга қачон қайтиши маълум.

Журналист Николо Скиранинг эксклюзив маълумотига кўра, мураббий Массимилиано Аллегри ва клуб спорт директори Игли Таре бошчилигидаги "россонерилар" раҳбарияти 30 ёшли дарвозабон Майк Меньянни "Милан" лойиҳасининг асосий фигураси деб ҳисобламоқда, шу сабабли улар кузда унинг агентлари билан шартномани узайтириш бўйича музокараларга қайтишади.

Эслатиб ўтамиз, Меньянинг "Милан" билан амалдаги шартномаси 2026 йилнинг июнь ойи охирида ўз ниҳоясига этади.

Майк Меньян 2021/22 йилги мавсумдан бери "Милан" сафида барча мусобақаларда 163 та ўйин ўтказган.