Испания чемпионати учинчи дивизиони вакили "Реал Мурсия" италиялик ҳужумчи Марио Балотеллини ўз сафига қўшиб олишга ҳаракат қилмоқда.
Клуб якшанба кунини 34 ёшли футболчи учун бир қарорга келиш учун охирги муддат сифатида белгилади, деб хабар беради Onda Regioanl. "Манчестер Сити" ва "Ливерпуль" собиқ ҳужумчисининг агентлари клуб президенти Фелипе Морено билан тўғридан-тўғри музокаралар олиб борган. Клубнинг таклифи тахминан 500 минг еврога баҳоланмоқда ва бу уларнинг одатий молиявий имкониятларидан ташқари ҳисобланади.
Ҳужумчининг сўнгги жароҳатлари ва ўтган мавсумда "Женоа"да кам ўйнаганига қарамай, клуб уни икки томонлама актив сифатида кўради: жамоага Сегундага кўтарилишга ёрдам берадиган синовдан ўтган ўйинчи, шунингдек, муҳим маркетинг жозибадорлиги. Клуб Балотеллига футболкалар савдосининг фоизини ва ўз ҳомийларини жалб қилиш имкониятини таклиф қилди.
