Дортмунднинг "Боруссия" клуби "Брайтон"нинг ёш юлдузини ўз сафига қўшиб олиш устида ишламоқда.
Нуфузли инсайдер Фабрицио Романонинг маълум қилишича, ҳар икки клуб 20 ёшли аргентиналик ярим ҳимоячи Факундо Буонаноттени бўйича фаол музокаралар олиб бормоқда. Бу ёзда у "асаларилар"нинг асосий нишони ҳисобланади.
Қайд этилишича, "Лион" вакиллари ҳам "Брайтон" билан Буонаннотте масаласида боғланишган.
Факундо Буонанотте ўтган мавсумда "Лестер" сафида ижара асосида тўп тепган ва клуб сафида барча мусобақаларда 35 та ўйинда майдонга тушиб, 6 та гол урган ва 3 та голга ҳаммуаллифлик қилган. Машҳур Tranfermarkt сайтида унинг нархи 20 миллион еврога баҳоланмоқда.
