"Барселона" вингери Рафинья Испаниянинг Sport нашрига берган интервьюсида келажаги ҳақидаги саволга жавоб берди.
"Тўғриси, агар клуб мендан мамнун бўлса, имкон қадар шу ерда қоламан. Албатта, агар клубда тўлиқ куч билан ўйнамасам ёки клуб ривожига етарли ҳисса қўша олмасам, кетиш вақти келганини ҳам тушунаман.
Аммо ҳозирча ўзимни яхши деб ўйлайман. Жисмоний ва тактик жиҳатдан яхши ҳолатдаман. Бу қандай кетаётганини кўрамиз.
Айтиб ўтганимдек, формамда бўлсам ва клуб мени бу ерда хоҳласа, бор кучимни беришда давом этаман", - деди Рафинья.
