Ёзда "Барселона" сафини ҳужумчи Маркус Рэшфорд тўлдирди. Каталонияликлар 27 ёшли инглизни сотиб олиш ҳуқуқи билан ижарага олган. Бу трансфер ҳақида "кўк-анорранглилар" вингери Рафинья фикр билдирди.
"Бу футболкада, бу клубда ўйнаш учун ҳар қандай рақобатга тайёр бўлиш керак. Менимча, рақобат қанча кўп бўлса, шунча яхши. Охир-оқибат, ҳар бир рақобатчи бошқасининг ривожланишига ёрдам беради. Агар биз чемпионликни қўлга киритишни истасак, бу энг муҳими," - дея Рафиньянинг сўзларини келтиради Испаниянинг Sport нашри.
Ла Лига янги мавсумининг 1-турида "Барселона" сафарда "Мальорка" меҳмони бўлади. Ўйин 16 август куни бўлиб ўтади.
