"Ан-Наср" клуби Бруну Фернандешни ўз сафига қўшиб олмоқчи.
Саудия клуби сўнгги бир неча соат ичида ярим ҳимоячи билан боғланиб, трансфер имкониятини муҳокама қилди, деб хабар беради A Bola.
Қайд этилишича, "Ан-Наср"да Жорже Жезуш ва Криштиану Роналдунинг бўлиши португалияликни ишонтириши мумкин. Мураббий қўл остида Брунe ўтмишда "Спортинг"да дебют қилган. Бундан ташқари, яқинда жамоага унинг терма жамоадаги шериги Жоау Феликс ҳам келиб қўшилди.
"Манчестер Юнайтед" ўз сардорини сақлаб қолмоқчи, аммо саудияликлар футболчини сотиб олиш учун пулни аямайди.
Таъкидланишича, пайшанба куни клубларнинг эҳтимолий битим бўйича музокаралари учун ҳал қилувчи кун бўлиши мумкин.
