"Челси"нинг янги аъзоси Эстевао Виллиан янги жамоасида ўйнашни интиқлик билан кутмоқда.
18 ёшли бразилиялик футболчи Лондон клуби учун ғалаба билан якунланган клублар ўртасидаги жаҳон чемпионатидан сўнг дарҳол "кўклар" футболчисига айланди.
"Мен "Челси" футболкасини кийишни кута олмаяпман. Кунлар жуда секин ўтаётгандек, соатлар тўхтаб қолгандек туюлади. Жуда ҳаяжонланяпман. Умид қиламанки, мен ҳамма нарсани уддалайман. Умид қиламанки, "Челси"даги ҳикоям ажойиб бўлади ва клуб мухлислари мен билан фахрлана олишади," - деб ёзди ёш вингер ижтимоий тармоқдаги саҳифасида.
Эслатиб ўтамиз, Эстевао июль ойига қадар ўз ватанида "Палмейрас" шарафини ҳимоя қилган.
