"Лион" ҳимоячи билан шартномани узайтирганини эълон қилди. Николас Тальяфико яна икки мавсумга - 2027 йилнинг ўрталарига қадар мўлжалланган меҳнат шартномасини имзолади.

Тальяфико "Лион" сафида 2022 йилнинг ёзидан буён тўп тепиб келмоқда. Ўшандан бери футболчи 102 та расмий ўйин ўтказиб, тўққизта гол ва ўнта голли узатмани ўз ҳисобига ёздириб қўйди.

2022 йил охирида Николас Тальяфико Аргентина терма жамоаси таркибида жаҳон чемпиони бўлди. Қатардаги зафарли мундиалда ҳимоячи жамоанинг еттита ўйинидан олтитасида майдонга тушган.

Ёзнинг сўнгги кунида Тальяфико 33 ёшини нишонлайди.