"Барселона" вингери Рафинья Диас Нико Уильямснинг амалга ошмай қолган трансфери ҳақидаги саволга жавоб берди.
"Кўк-анорранглилар" ўтган йилгидек испаниялик футболчини "Атлетик"дан ўз сафига қўшиб олишда муваффақиятсизликка учради. Трансфер деярли якунлангандек кўринганди, аммо футболчи барибир каталонияликларга рад жавобини берди.
"Барселонада ўйнашни истамайдиганлар бу ерга ўтмагани маъқул. Тўғрисини айтсам, бизда клубда ўйнашни истайдиган ва бу футболкани қадрлайдиган юқори даражадаги футболчилар борлиги ёқимли," - дея Рафиньянинг сўзларини келтиради The Touchline.
Эътиборлиси, Нико Уильямс айнан бразилиялик футболчи позициясида ҳаракат қилади. "Барселона" охир-оқибат Маркус Рэшфордни "Манчестер Юнайтед"дан ижарага олди.
