"Барселона" ярим ҳимоячиси Гави жамоанинг ҳозирги ҳолати ҳақида фикр билдирди.
20 ёшли испанияликнинг фикрича, "кўк-анорранглилар"да келгуси мавсумда муваффақият қозониш учун ҳамма нарса бор.
"Мен учун жамоа ўтган мавсумда қандай бўлган бўлса, ҳозир ҳам шундай ҳолатда экани ёки яхшилангани аниқ. Энг муҳими - аввалги менталитетни сақлаб қолиш, ғалабага бўлган интилишни йўқотмаслик ва ўшанда, ишончим комилки, барча совринларни қўлга кирита оламиз," - деди Гави интервьюда.
"Барселона" ўтган мавсумни Ла Лига ғолиби сифатида якунлади, шунингдек, Испания кубоги ва Суперкубогини қўлга киритди. Чемпионлар лигасида каталонияликлар ярим финалга қадар етиб борди.
