"Барселона" марказий ҳимоячиси Пау Кубарси Ламин Ямалнинг 18 ёшини нишонлаши ҳақида фикр билдирди.
Ёш вингер машҳурлар билан ёпиқ зиёфат уюштирди, бу ҳаммага ҳам ёқмади. Кенг тарқалган фикрга кўра, Ямал майдондаги ажойиб муваффақиятларига қарамай, ўзини камтарроқ тутиши керак.
"Ламиннинг туғилган куни? Ўйлайманки, бу ҳақда ҳаммадан кўпроқ сиз, журналистлар гапирасиз. Биз бунга хотиржам муносабатда бўлдик, у билан бирга вояга етганини нишонладик ва биз у учун хурсанд бўлдик. Шубҳасиз, келажакда уни яна кўплаб ёрқин байрамлар кутмоқда," - дея Кубарсининг сўзларини келтиради BarcaTimes.
Ҳимоячининг ўзи эса бундан бироз аввал - январь ойида 18 ёшни қарши олган.
