Англиянинг "Ньюкасл" клуби испаниялик форварди Антонио Кордеро Бельгиянинг "Вестерло" клубида фаолиятини давом эттиради. Бу ҳақда жамоа расмий сайти хабар бермоқда.
18 ёшли футболчи 1 мавсумга ижарага берилди. Transfermarkt портали томонидан бозор нархи 2 миллион еврога баҳоланган Кордеро бир ой аввал "ҳаккалар" сафига эркин агент сифатида келиб қўшилганди.
Ўтган мавсумда Кордеро Испания Сегундасининг "Малага" клуби шарафини ҳимоя қилган эди. У 40 та ўйинда 6 та гол урди ва 7 та голли узатмани амалга оширди.
