"Барселона" ярим ҳимоячиси Дани Ольмо Mundo Deportivo нашрига берган интервьюсида Ханси Флик билан ўзаро муносабатлари ҳақида гапирди.
Ольмо Фликни қатъийлик ва ишончни бирлаштирган - кичик нарсаларга эътиборли, аммо дўст бўлиб қоладиган мураббий сифатида таърифлаган. Ольмонинг сўзларига кўра, Флик ҳақиқий етакчи. Шу билан бирга, Ольмо немис ҳақидаги қизиқ тафсилотни қайд этди.
"У испан тилида гапира бошлайди, лекин жаҳли чиққанда - инглиз тилига ўтади," - деди хавбек.
Ўтган мавсумда Ольмо каталонияликлар сафида барча мусобақаларда 46 та ўйинда майдонга тушган. 12 та гол урди ва 8 та голли узатмани амалга оширди.
